शेखर कोइराला: सरकार सञ्चालनका लागि दलीय संयन्त्र बनाउनु ठीक होइन

शेखर कोइरालाले सरकार सञ्चालनका लागि दलीय संयन्त्र बनाउनु उचित नभएको बताएका छन्

वीरेन्द्रनगर : नेपाली कांग्रेसका नेता शेखर कोइरालाले संसदको अवज्ञा गर्दै अध्यादेश ल्याउनु र सरकार सञ्चालनका लागि दलीय संयन्त्र बनाउनु गलत भएको बताएका छन्। नेपाली कांग्रेस सुर्खेतले पार्टी कार्यालयमा आयोजना गरेको कार्यकर्ता भेटघाट कार्यक्रममा नेता कोइरालाले यो कुरा राखेका हुन्।

उनले भने, “सरकारले अध्यादेश ल्याएको छ। तर अध्यादेशको अवधारणा स्पष्ट हुनु आवश्यक छ। सरकारले यदि कार्य गर्न नसक्ने अवस्था सिर्जना भएको छ भने मात्र अध्यादेश ल्याउनु पर्छ। हामीले संविधानमा अध्यादेशको व्यवस्था गरेका छौँ। तर अहिलेको अवस्था यस्तो छैन। सबै कानूनी व्यवस्था अध्यादेशबाट ल्याउनु लोकतान्त्रिक मूल्य र मान्यतासँग मेल खाँदैन। विगतमा जब सरकारले अध्यादेश ल्यायो, नेपाली कांग्रेसले त्यसको विरोध गरेको थियो। त्यतिबेला गलत भएको कुरा अहिले कसरी ठीक बन्न सक्छ?” उहाँले थपे, “हाम्रो मुख्य प्रतिस्पर्धी पार्टी एमाले हो र आगामी निर्वाचनमा पनि हाम्रो प्रतिस्पर्धा उहाँहरूसँग हुनेछ।”

नेता कोइरालाले सरकार सञ्चालनका लागि दलीय संयन्त्र बनाउनु पनि गलत भएको उल्लेख गर्दै भने, “संसदको मान्यता तोडेर सरकार चलाउनु र दलीय संयन्त्रमार्फत अगाडि बढ्नु कम्युनिस्टहरूको पद्धति हो। उनीहरूले यस्तो गर्छन् र उनको सिद्धान्तमा यस्तो कुरा समावेश छ। तर कांग्रेसको संस्कृति त्यस्तो छैन। हामीले यसो गर्नुहुँदैन। कांग्रेसको सिद्धान्तले संसदीय व्यवस्थालाई कमजोर बनाउँछ।”

नेपाली कांग्रेसको भावी नेतृत्वका सम्भावित नेताका रूपमा चिनिएका कोइरालाले सुर्खेतमा प्राप्त गरेको भव्य स्वागतले आफूलाई उत्साह र ऊर्जा प्रदान गरेको बताए।

उहाँले कांग्रेसको सरकारमा भए पनि सरकारको क्रियाकलापमा निगरानी राख्न आवश्यक रहेको धारणा व्यक्त गर्दै भने, “हामी सत्ता पक्षमा छौँ र कर्णालीमा पनि सत्ता पक्षमा छौँ। सरकारमा रहेका मन्त्रीहरूले सरकारसँग सहकार्य गर्नुपर्छ र जो मन्त्री नभएर बाहिर रहेका छन्, उनीहरूले सरकारलाई राम्रो कार्य गर्नका लागि सचेत गराउनुपर्छ।”