भारतमा विपक्षी नेता राहुल गान्धी प्रहरी नियन्त्रणमा

काठमाडौं । भारतमा विपक्षी दलका नेता राहुल गान्धीलाई प्रहरीले नियन्त्रणमा लिएको छ। संसद् भवनबाट निर्वाचन आयोगसम्मको प्रदर्शनका क्रममा उनी नियन्त्रणमा परेका हुन्, बीबीसी हिन्दीले जनाएको छ।

गान्धीसँगै प्रियंका गान्धी र शिव सेना पार्टीका नेता सञ्जय राउतलाई पनि प्रहरीले नियन्त्रणमा लिएको छ।

लोकसभा निर्वाचन, महाराष्ट्र र हरियाणाको चुनावमा मतदाता नामावलीमा आयोग र भारतीय जनता पार्टीबीच धाँधली भएको आरोप लगाउँदै विपक्षी सांसदहरूले दिल्लीस्थित निर्वाचन आयोगको कार्यालय अगाडि जुलुस निकालेका थिए।

प्रहरीले अनुमतिविपरीत ठूलो संख्यामा मानिसहरू भेला भएकाले उनीहरूलाई नियन्त्रणमा लिएको जानकारी दिएको छ।