सुनसरी र सिराहा प्रदर्शनका पीडितलाई राहत तथा उपचारको जिम्मा लिँदै सरकार

काठमाडौँ । सरकारले सुनसरी र सिराहा जिल्लामा भएका प्रदर्शनका क्रममा ज्यान गुमाएका व्यक्तिका परिवारलाई राहत तथा क्षतिपूर्ति उपलब्ध गराउने निर्णय गरेको छ। साथै, घटनामा घाइते भएकाहरूको उपचार खर्च व्यवस्थापन गर्ने निर्णय पनि मन्त्रिपरिषद्ले गरेको छ।

बुधबार सिंहदरबारमा बसेको मन्त्रिपरिषद् बैठकले पीडित परिवारलाई आवश्यक सहयोग उपलब्ध गराउने र घाइतेहरूको उपचारको व्यवस्था मिलाउने निर्णय गरेको सरकारका प्रवक्ता एवं शिक्षा तथा खेलकुद मन्त्री सस्मित पोखरेलले जानकारी दिए।

गत साउन १० गते सुनसरीमा भएको प्रदर्शनसँग सम्बन्धित घटनामा सुनसरीका तीन जना र सिराहाका एक जनाको मृत्यु भएको थियो। उक्त घटनामा एक दर्जनभन्दा बढी व्यक्ति घाइते भएको जनाइएको छ।