स्ववियु निर्वाचनका लागि नेविसंघद्वारा १४ समिति गठन

काठमाडौँ। नेपाल विद्यार्थी संघ (नेविसंघ)ले त्रिभुवन विश्वविद्यालय स्वतन्त्र विद्यार्थी युनियन (स्ववियु) को निर्वाचनका लागि विभिन्न १४ वटा समिति गठन गरेको छ। चैत ५ गतेको निर्वाचनको तयारीका लागि यी समितिहरू बनाइएका हुन्।

नेविसंघका अध्यक्ष दुजाङ शेर्पाले जानकारी दिएका अनुसार, स्ववियु निर्वाचनमा संघका प्रत्यक्ष र समानुपातिक पदका उम्मेदवारलाई निर्वाचित गराउन र संघको निर्वाचनमा सहभागितालाई थप प्रभावकारी बनाउन विभिन्न समितिहरू गठन गरिएको हो।

आजबाट त्रिभुवन विश्वविद्यालयमा स्ववियु निर्वाचनको कार्यतालिका सुरु भएको छ। आजको कार्यतालिकामा संघ संगठन दर्ता गरिने कार्यक्रम तय गरिएको छ।