वडाध्यक्ष दीपक सुवेदीमाथि रड प्रहार

पोखरा — सार्वजनिक जग्गा अतिक्रमण रोक्न पुगेका पोखरा महानगरपालिका-२१ का वडाध्यक्ष दीपक सुवेदीमाथि रड प्रहार भएको छ। शनिबार स्थानीय भूपेन्द्र गिरिले वडाध्यक्ष सुवेदीमाथि रड प्रहार गरेका हुन्।

वडाध्यक्ष सुवेदीले बताएअनुसार, बाझीपोखरी क्षेत्रमा पोखरीको कित्ताको सार्वजनिक जग्गामा घर निर्माण हुँदै गरेको थाहा पाएपछि रोक्न पुगेका थिए। सार्वजनिक जग्गामा घर बनाउन नदिन आग्रह गर्दा पनि त्यसको अवज्ञा गरिएको र नगर प्रहरीको मद्दतले रोक्न पुगेका थिए।

सार्वजनिक जग्गामा घर बनाउन नदिनु भनेपछि स्थानीय भूपेन्द्र गिरिले उनलाई रडले प्रहार गरेका थिए। वडाध्यक्ष सुवेदीले बताएअनुसार, गिरिले उनलाई कुनामा बोलाएर रडको प्रयोग गरेर हमला गरेका थिए, तर उनी चोट नपाउँदै त्यसलाई रोक्न सफल भएका थिए।

घटनाको बारेमा वडाध्यक्ष सुवेदीले वडा प्रहरी कार्यालय बैदामलाई जानकारी गराएका छन्। रड प्रहार गर्ने व्यक्तिलाई प्रहरीले सोधपुछ गर्न बोलाएको बैदाम प्रहरी कार्यालयका डीएसपी सन्तोष निरौलाले जानकारी दिए।