बेलौरीमा ऐलानी जमिनको नापजाँच सुरु, लालपुर्जा वितरणको तयारी

कञ्चनपुरको बेलौरी नगरपालिकाका ३ र ५ नम्बर वडामा ऐलानी जमिनको नापजाँच मंगलबारदेखि सुरु भएको छ। मेयर पोतीलाल चौधरीले लामो समयदेखि स्वामित्वविहीन किसानहरूलाई लालपुर्जा दिलाउने अभियान शुरु भएको बताए।

भूमि समस्या समाधान आयोग कञ्चनपुरका सदस्य दिलबहादुर देउवाका अनुसार, नापजाँच अन्य वडाहरूमा पनि क्रमिक रूपमा विस्तार हुने छ भने छुट्टाछुट्टै जमिनहरू समेत समेटिनेछ। उपमेयर जोगराज चौधरीले नापजाँच सुरु भएपछि जनतामा जमिन मालिक बन्ने आशा जागेको बताए।

अध्यक्ष नेत्रप्रकाश पन्तले जिल्लाभरि नापजाँच सुरु भइसकेको र बेलौरीमा पाँच हजार ५३१ किसानले फारम भरेको जानकारी दिए।