भ्रष्टाचारमुक्त समाजको सपना पूरा गर्ने अठोट : प्रचण्ड

काठमाडौं : नेपाली कम्युनिष्ट पार्टी (नेकपा) का नयाँ केन्द्रीय सदस्यहरूले मंगलबार पार्टी कार्यालय पेरिसडाँडामा सपथ ग्रहण गरेका छन्। नेकपाका संयोजक पुष्पकमल दाहाल ‘प्रचण्ड’ र सह–संयोजक माधवकुमार नेपालले प्रमुख उपस्थितिमा सपथ ग्रहण गराए।

सपथ ग्रहण कार्यक्रममा जेष्ठ कम्युनिस्ट मञ्चका अध्यक्ष एनके प्रसाईंले सदस्यहरूलाई सपथ खुवाउँदै परिचय पत्र हस्तान्तरण गरेका थिए। त्यसपछि संयोजक प्रचण्डले सबै केन्द्रीय सदस्यलाई औपचारिक रूपमा सपथ गराएका छन्।

सपथ ग्रहणको अवसरमा प्रचण्डले परम्परागत तरिकाले मात्र वर्तमान चुनौतीको सामना गर्न नसकिने बताउँदै, राष्ट्रलाई अझ एकताबद्ध र राष्ट्रिय स्वाधीनता सुदृढ बनाउन नयाँ संकल्पसहित पहल गर्न जरुरी रहेको बताए। उनले सबैलाई एकताबद्ध गरेर पार्टी अघि बढाउने प्रतिबद्धता व्यक्त गरे।

प्रचण्डले बुधबार राष्ट्रिय सभा गृहमा आयोजना गरिएको अर्को एकता समारोहको उद्धरण दिँदै भ्रष्टाचारमुक्त समाजको परिकल्पना पूरा गर्ने अठोट दोहोर्याए। उनले भने, “सपथ ग्रहणपछि अब केन्द्रीय संरचना पूर्णता दिने र अन्य संगठनात्मक काममा ध्यान केन्द्रित गर्नुपर्ने छ।”

त्यस्तै नेकपाका सह–संयोजक माधवकुमार नेपालले प्रतिनिधि सभा निर्वाचनको तयारीमा जुट्न नेता–कार्यकर्तालाई आग्रह गरे। उनले निर्वाचन पार्टीको अर्को महत्वपूर्ण चुनौती भएकाले यसको लागि घोषणापत्र तयारीदेखि पार्टी परिचालनसम्म सबै तयारी पूरा भइसकेको र अब सबैले यसमा ध्यान केन्द्रित गर्नुपर्ने बताए।