भैरहवाबाट १५७ यात्रुको हवाई उद्धार, अशक्त र बिरामीलाई प्राथमिकता

काठमाडौँ, ।अविरल वर्षाका कारण भैरहवामा अलपत्र परेका यात्रुहरूको नेपाल वायुसेवा निगमको विमानमार्फत हवाई उद्धार गरिएको छ।

नेपाल एयरलाइन्सको ए–३२० विमान दिउँसो ३:४३ बजे भैरहवा अवतरण गरेको थियो। सो विमानले ५:४० बजे १५७ जना यात्रु बोकेर काठमाडौँ फर्किएको गौतमबुद्ध अन्तरराष्ट्रिय विमानस्थलका सूचना अधिकारी विनोदसिंह राउतले जानकारी दिए।

उनका अनुसार उद्धार उडानमा अशक्त, वृद्धवृद्धा, बिरामी तथा अत्यावश्यक यात्रुहरूलाई प्राथमिकता दिइएको थियो।