प्यूठान–१ का उम्मेदवार सूर्यबहादुर थापाले चुनावमा २४ लाख बढी खर्च गरे

काठमाडौं । प्यूठान प्रतिनिधिसभा निर्वाचन क्षेत्र नं. १ का उम्मेदवार सूर्यबहादुर थापा क्षेत्रीले आफ्नो निर्वाचन खर्चको विवरण निर्वाचन आयोगमा पेश गरेका छन्।

प्रतिनिधिसभा सदस्य निर्वाचन ऐन, २०७४ को दफा ७२ र निर्वाचन आयोगले जारी गरेको निर्वाचन आचारसंहिता अनुसार, उनले आफ्नो खर्च विवरण जिल्ला निर्वाचन कार्यालय, प्यूठानमा बुझाएका हुन्।

उनको विवरणअनुसार, निर्वाचन अभियानमा कुल २४ लाख १० हजार ३८९ रुपैयाँ खर्च भएको देखिन्छ।

खर्च विवरण अनुसार, वडा र पालिका स्तरका कार्यक्रम सञ्चालनमा सबैभन्दा बढी ६ लाख ४० हजार रुपैयाँ खर्च भएको छ। त्यसैगरी इन्धनमा ४ लाख ५० हजार ३९० रुपैयाँ, सवारी साधन भाडामा २ लाख ९० हजार, खाना र आवासमा २ लाख ५५ हजार, कार्यालय सञ्चालनमा १ लाख ३५ हजार रुपैयाँ खर्च भएको छ।

त्यस्तै, नमूना मतपत्र छपाइमा ९५ हजार, प्रेस तथा प्रचार सामग्री छपाइमा ७५ हजार ४००, मनोनयन दर्ता खर्चमा १० हजार, र विविध अन्य खर्चमा ४ लाख ५९ हजार ६०० रुपैयाँ खर्च गरिएको छ।

निर्वाचन खर्चको यो विवरण सार्वजनिक भएपछि उम्मेदवारका अभियान खर्चबारे पारदर्शिता बढेको देखिन्छ।