नेप्सेमा दिनभरको उतारचढावपछि सामान्य वृद्धि, कारोबार रकम एक वर्षको उच्चतम बिन्दुमा

काठमाडौं ।आइतबारको सेयर बजार कारोबार दिनको सुरुवातमा ५१ अंकले उकालो लागेको भए पनि अन्त्यसम्म आइपुग्दा त्यो वृद्धिमा टिकाउपन देखिएन। दिनको अन्त्यमा नेप्से परिसूचक ०.३२ अंकले मात्रै बढेर २८७० विन्दुमा बन्द भएको छ।

यसदिन सेयर कारोबार रकमले करिब एक वर्षपछि नयाँ कीर्तिमान बनाएको छ। आइतबार सेयर बजारमा कुल २१ अर्ब ४६ करोड रुपैयाँ बराबरको कारोबार भएको छ। सन् २०८१ सालको भदौ ४ गतेपछि यति ठूलो कारोबार पहिलो पटक भएको हो, जस दिन २८ अर्ब ८३ करोड रुपैयाँको कारोबार भएको थियो।

सोमबारको बजारमा पाँच कम्पनीका सेयर मूल्य नौ प्रतिशतभन्दा बढीले उकालो लागेका छन्। उन्नती सहकार्य लघुवित्त र सान्भि हाइड्रोको सेयर मूल्य १० प्रतिशतले वृद्धि भएर सर्किट ब्रेक लागेको छ। त्यस्तै, ट्रेड टावर, शिव श्री हाइड्रो र बिन्ध्यवासिनी हाइड्रोपावरका सेयर पनि नौ प्रतिशतभन्दा बढीले बढेका छन्।

सान्भि हाइड्रो र ट्रेड टावर हालसालै बजारमा सूचीकृत भएकाले ती कम्पनीहरूको सेयर मूल्यमा तीव्र वृद्धि देखिएको हो। शिव श्री हाइड्रोले हकप्रद सेयरको स्वीकृति पाएको हुँदा मूल्य उकालो लागेको हो। यस्तै कारण सिटी होटलको सेयर मूल्य पनि ८.५० प्रतिशतले बढेको छ।

दोसोतर्फ, समृद्धि फाइनान्सको सेयर मूल्य सबैभन्दा धेरै घटेको हो। कम्पनीको मूल्य ८.८८ प्रतिशतले घटेर ५ सय ४ रुपैयाँमा झरेको छ। यो गिरावटको कारण कम्पनीले कम मूल्यमा कारोबार भइरहेको पोखरा फाइनान्ससँग मर्जरको सहमति गर्नु हो। पोखरा फाइनान्सको सेयर मूल्य हाल ४ सय ३७ रुपैयाँमा कारोबार भइरहेको छ।

सबैभन्दा धेरै कारोबार भएका कम्पनीहरूमा नेपाल पुनर्बीमा, बुटवल पावर कम्पनी र हिमालयन रि इन्सुरेन्स परेका छन्। यी कम्पनीहरूको ५६ करोडदेखि ९८ करोड रुपैयाँसम्मको सेयर किनबेच भएको हो।

समूहगत परिसूचकहरूमध्ये होटल, जीवन बीमा, लघुवित्त, निर्जीवन बीमा र ‘अन्य’ समूहमा सुधार देखिएको छ। कुल कारोबारमा आएका ३१६ धितोपत्रहरूमध्ये १३५ को मूल्य बढेको छ भने १७० को मूल्य घटेको छ। बाँकी केहीको मूल्य स्थिर रहेको छ।