निराश हुनुपर्ने अवस्था छैन : मुख्यमन्त्री कँडेल

सुर्खेत, – कर्णाली प्रदेशका मुख्यमन्त्री यामलाल कँडेलले वर्तमान सरकारले गरेको कामबाट अपेक्षित नतिजा अझै प्राप्त नभएको बताएका छन्। यद्यपि उनले निराश हुनुपर्ने अवस्था नरहेको पनि स्पष्ट पारे।

आइतबारदेखि सुरु भएको बजेट अधिवेशनको पहिलो बैठकमा सम्बोधन गर्दै कँडेलले सरकारले आन्तरिक सुधारमा ध्यान दिइरहेको जानकारी दिए। “कतिपय कामहरू बाहिर नदेखिने तरिकाले आन्तरिक रूपमा भइरहेको छ,” उनले भने। “त्यसैले अहिले अपेक्षित नतिजा निस्किएको छ, तर निराशै हुनुपर्ने अवस्था छैन,” उनले थपे।

कँडेलले बजेट कार्यान्वयनमा सुधार ल्याउने विषयमा छलफल भइरहेको र अझै केही महिना बाँकी रहेको बताएका छन्। साथै, उनले आगामी आर्थिक वर्षको नीति, कार्यक्रम र बजेटमा सुधार आउने दाबी गरे।

“अहिले योजना बैङ्कमा रहेका योजनाहरू छनोट भइरहेको छ। जसरी हामी अहिले काम गरिरहेका छौँ, त्यसले आगामी बजेटमा सुधारको संकेत दिन्छ,” उनले भने।

समस्याहरूका बाबजुद सकारात्मक सन्देश दिन सकिएकोमा मुख्यमन्त्री कँडेलले आशावादी दृष्टिकोण राखेका छन्।