धनकुटा पिकअप दुर्घटनामा २१ घाइते, ३ जनाको अवस्था गम्भीर

धनकुटा, — धनकुटा नगरपालिका–८ स्थित टेकुनालामा शनिबार बिहान एक पिकअप सवारी दुर्घटना हुँदा २१ जना घाइते भएका छन्। घाइतेमध्ये तीनजनाको अवस्था गम्भीर रहेको प्रहरीले जनाएको छ।

को.२ च. २३०९ नम्बरको पिकअप सवारी टेकुनालाबाट बजारतर्फ जाँदै गर्दा बिहान करिब साढे १० बजे दुर्घटनामा परेको थियो। जिल्ला प्रहरी कार्यालय धनकुटाका प्रमुख प्रहरी उपरीक्षक शरतकुमार थापा क्षेत्रीका अनुसार घाइते भएका सबैलाई तत्काल उद्धार गरी जिल्ला अस्पताल धनकुटा ल्याइएको हो। गम्भीर घाइतेलाई थप उपचारका लागि धरानस्थित बीपी कोइराला स्वास्थ्य विज्ञान प्रतिष्ठान (घोपा) पठाइएको छ।

घाइतेहरूमा १४ वर्षीया सविना डङ्गोल, ६४ वर्षीया चन्द्र भक्त डङ्गोल, ३५ वर्षीया हरिबहादुर डङ्गोल, ६२ वर्षीया गुणराज श्रेष्ठ, ७२ वर्षीया मोहन डङ्गोल, ४५ वर्षीया रेणुका राई, २७ वर्षीया राम श्रेष्ठ, ३८ वर्षीया जितबहादुर राई, १६ वर्षीया निशु लिम्बू, १५ वर्षीया रिमा डङ्गोल, २२ वर्षीय राजन राई, २४ वर्षीय अतिस राई, २४ वर्षीय प्रकाश श्रेष्ठ, १८ वर्षीय रोजिन डङ्गोल, १२ वर्षीया रोनिया श्रेष्ठ, ५६ वर्षीय रमेश कर्मचार्य, १६ वर्षीय शिव श्रेष्ठ, १५ वर्षीया रोनिता श्रेष्ठ, १७ वर्षीया रिमा डङ्गोल र १३ वर्षीया रितेश डङ्गोल रहेका छन्।

दुर्घटनाको कारण खुल्न बाँकी रहेको र घटनाको विषयमा थप अनुसन्धान भइरहेको प्रहरीले जनाएको छ।